# ملتان بورڈ کا جدید ڈیجیٹل نظام کے تحت سوالات کا Question Item Bank تیار کرنے کا منفرد اقدام

وزیر اعلیٰ پنجاب محترمہ مریم نواز شریف، صوبائی وزیر برائے ہائر ایجوکیشن جناب رانا سکندر حیات صاحب اور چیئرمین ایجوکیشن ٹاسک فورس جناب مزمل محمود صاحب کے ڈیجیٹلائزیشن وژن کے مطابق، چیئرمین بورڈ آف انٹرمیڈیٹ اینڈ سیکنڈری ایجوکیشن ملتان پروفیسر ڈاکٹر اعجاز احمد تتلہ کی ہدایت پر ملتان بورڈ تعلیمی نظام کو جدید خطوط پر استوار کرنے کے لیے اہم اقدامات کر رہا ہے۔ اس سلسلے میں ملتان بورڈ صوبے کا پہلا اور پائینیر بورڈ ہے جو جدید ڈیجیٹل نظام کے تحت سوالات کا جامع **Question Item Bank** تیار کر رہا ہے۔

اس ڈیجیٹل Question Item Bank میں مختلف نوعیت کے سوالات تیار کیے جا رہے ہیں، جن میں طلبہ کی رٹہ سسٹم کے بجائے تصوری و فکری صلاحیتوں (Conceptual Learning)، تنقیدی سوچ (Critical Thinking)، فہم و ادراک اور علمی استعداد کو مدنظر رکھا جا رہا ہے۔ اس کے ساتھ ساتھ سوالات کی تیاری میں مقررہ نصاب، تعلیمی مقاصد اور مروجہ Question Paper Pattern کو بھی خصوصی اہمیت دی جا رہی ہے تاکہ امتحانی نظام کو جدید تعلیمی تقاضوں سے ہم آہنگ کیا جا سکے۔

اس منصوبے کے پہلے مرحلے میں جماعت نہم کے مضمون انگریزی (English) کے لیے Question Item Bank تیار کیا جا رہا ہے۔ اس بینک میں شامل معیاری سوالات کی بنیاد پر Model Papers بھی تیار کیے جائیں گے، جو مختلف تعلیمی اداروں کو فراہم کیے جائیں گے تاکہ وہ ان ماڈل پیپرز کی روشنی میں اپنے داخلی ٹیسٹ اور امتحانات منعقد کر سکیں۔

اس اقدام کا بنیادی مقصد طلبہ کو آنے والے سالانہ امتحانات کے لیے بہتر انداز میں تیار کرنا، انہیں سوالیہ پرچے کے پیٹرن اور طریقۂ کار سے روشناس کرانا اور سوالات کو درست انداز میں حل کرنے کی صلاحیت پیدا کرنا ہے۔ اس طرح طلبہ کو امتحان سے قبل یہ سمجھنے میں مدد ملے گی کہ مختلف نوعیت کے سوالات کو کس طرح سمجھنا اور حل کرنا ہے۔

ملتان بورڈ کا یہ اقدام امتحانی نظام میں شفافیت، معیار، جدیدیت اور تعلیمی بہتری کے فروغ کے ساتھ ساتھ طلبہ میں حقیقی فہم و ادراک اور تصوری تعلیم کے رجحان کو مضبوط بنانے میں اہم کردار ادا کرے گا۔ یہ منصوبہ پنجاب میں امتحانی نظام کی ڈیجیٹلائزیشن اور معیارِ تعلیم کی بہتری کی جانب ایک اہم پیش رفت ہے۔

مورخہ 02 نومبر 2026 کو چیئرمین ڈاکٹر اعجاز احمد تتلہ بورڈ آف انٹرمیڈیٹ اینڈ سیکنڈری ایجوکیشن ملتان کی ہدایات پر کمیٹی روم بورڈ ہذا میں دو روزہ ورکشاپ کا انعقاد کیاگیا۔ جس میں PECTAAکی طرف سے نامزدکر دہ23 اساتذہ کرام نے شرکت کی۔ ورکشاپ کاعنوان تھا جماعت نہم کے انگریزی کے اسیسمنٹ فریم ورک کے جائزہ اور آئٹمز کی تیاری ۔ورکشاپ میں کنٹرولر امتحانات گل شیر بورڈ آف انٹرمیڈیٹ اینڈ سیکنڈری ایجوکیشن ملتان ،ڈاکٹر حافظ فدا حسین ڈپٹی سیکرٹر ی فنانس ،اسسٹنٹ کنٹرولر سیکریسی منور پاشا، قاضی مجیب الرحمن سسٹم اینالسٹ اور اساتذہ کرام نے شرکت کی۔
پبلک ریلیشن آفیسر ا تعلیمی بورڈ ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

پریس ریلیز

چیئرمین تعلیمی بورڈ فیصل آباد کا تعلیمی بورڈ ملتان کا دورہ، آن اسکرین مارکنگ اور ڈیجیٹل اٹینڈنس مینجمنٹ سسٹم پر تفصیلی بریفنگ

ملتان، 31 اکتوبر 2026ء: چیئرمین بورڈ آف انٹرمیڈیٹ اینڈ سیکنڈری ایجوکیشن فیصل آباد، پروفیسر ڈاکٹر بنیامین رانا نے آج بورڈ آف انٹرمیڈیٹ اینڈ سیکنڈری ایجوکیشن ملتان کا دورہ کیا، چیئرمین ملتان بورڈ،جناب ڈاکٹر اعجاز احمد تتلہ نے ان کا پرتپاک خیرمقدم کیا۔ اس موقع پر دونوں چیئرمین صاحبان کے درمیان ملاقات ہوئی۔

ملاقات کے دوران سسٹم اینالسٹ جناب قاضی مجیب الرحمٰن نے معزز مہمان کو آن اسکرین مارکنگ (On-Screen Marking) اور ڈیجیٹل اٹینڈنس اینڈ مینجمنٹ سسٹم (Digital Attendance & Management System) کے حوالے سے تفصیلی بریفنگ دی اور ان سسٹمز کے طریقہ کار، تکنیکی پہلوؤں اور عملی افادیت سے آگاہ کیا۔

ملاقات میں پنجاب کے تعلیمی بورڈز میں آن اسکرین مارکنگ سسٹم کے نفاذ کے حوالے سے مستقبل کے لائحہ عمل پر تفصیلی تبادلہ خیال کیا گیا۔ اس سلسلے میں انٹرمیڈیٹ سیکنڈ اینول امتحان 2026ء میں مضمون کمپیوٹر سائنس کے پرچوں کو آن اسکرین مارکنگ کے ذریعے پراسیس کرنے کے طریقہ کار اور عملی اقدامات پر غور کیا گیا۔

مزید برآں، میٹرک اور انٹرمیڈیٹ فرسٹ اینول امتحان 2027ء میں نہم اور فرسٹ ایئر کے امتحانات کے لیے آن اسکرین مارکنگ کے مجوزہ نفاذ، درکار آلات و مشینری کی خریداری اور اس سلسلے میں اختیار کیے جانے والے طریقہ کار پر بھی تفصیلی گفتگو ہوئی۔

چیئرمین تعلیمی بورڈ ملتان جناب ڈاکٹر اعجاز احمد تتلہ نے اس امر کا اظہار کیا کہ آج کی یہ ملاقات تعلیمی بورڈز میں جدید ٹیکنالوجی کے فروغ اور آن اسکرین مارکنگ سسٹم کے مستقبل کے نفاذ کے حوالے سے اہم پیش رفت ثابت ہوگی اور باہمی تجربات و مشاورت سے امتحانی نظام کو مزید شفاف، مؤثر اور جدید خطوط پر استوار کرنے میں مدد ملے گی۔

آخر میں چیئرمین فیصل آباد بورڈ، پروفیسر ڈاکٹر بنیامین رانا نے پرتپاک میزبانی اور مفید تبادلہ خیال پر چیئرمین ملتان بورڈ، ڈاکٹر اعجاز احمد تتلہ کا تہہ دل سے شکریہ ادا کیا۔

ریٹائر ہونے والے افسر جناب سرور وسیم کے اعزاز میں ملتان بورڈ میں پروقار تقریب

ملتان، 31 اکتوبر 2026ء: بورڈ آف انٹرمیڈیٹ اینڈ سیکنڈری ایجوکیشن ملتان کے کمیٹی روم میں آج ریٹائر ہونے والے افسر جناب سرور وسیم کے اعزاز میں ایک پروقار تقریب کا اہتمام کیا گیا، جس میں چیئرمین بورڈ، سیکرٹری بورڈ، افسران اور ملازمین نے شرکت کی۔

تقریب سے خطاب کرتے ہوئے چیئرمین بورڈ جناب ڈاکٹر اعجاز احمد تتلہ نے کہا کہ جناب سرور وسیم ایک انتہائی ایماندار، محنتی اور فرض شناس افسر رہے ہیں۔ اگرچہ ان کے ساتھ جناب سرور وسیم نے تقریباً تین ماہ کام کیا ، تاہم اس مختصر عرصے میں انہوں نے ان کی پیشہ ورانہ صلاحیتوں، دیانت داری، محنت اور بورڈ کی بہتری کے لیے ان کی لگن کو قریب سے محسوس کیا۔ انہوں نے جناب سرور وسیم کی خدمات کو سراہتے ہوئے دعا کی کہ اللہ تعالیٰ انہیں ریٹائرمنٹ کے بعد کی زندگی میں صحت، تندرستی، خوشیوں اور آسانیوں سے نوازے۔

سیکرٹری بورڈ جناب عظیم افضل نے اپنے خطاب میں کہا کہ اگرچہ ان کی جناب سرور وسیم صاحب سے پہلی ملاقات محض ایک دو روز قبل ہوئی، تاہم اس مختصر ملاقات میں انہوں نے انہیں ایک نہایت اچھا انسان پایا۔ بورڈ کی بہتری، ادارے کی ترقی اور مثبت کردار ادا کرنے کے حوالے سے جناب سرور وسیم کے خیالات انتہائی مثبت اور قابلِ تحسین تھے۔ انہوں نے کہا کہ جناب سرور وسیم بلاشبہ بورڈ کا ایک قیمتی اثاثہ رہے ہیں۔

اس موقع پر ڈپٹی سیکرٹری جناب ڈاکٹر فدا حسین، سسٹم اینالسٹ قاضی مجیب الرحمن، صدر ایمپلائز ویلفیئر ایسوسی ایشن ملک نثار احمد، ممتاز خان سینیئر سپرٹینڈنٹ سمیت دیگر افسران اور اہلکاران نے بھی اپنے خیالات کا اظہار کیا اور جناب سرور وسیم کی پیشہ ورانہ خدمات، دیانت داری، محنت اور ادارے کے لیے ان کی گراں قدر خدمات کو خراجِ تحسین پیش کیا۔

تقریب کے اختتام پر شرکاء نے جناب سرور وسیم کے لیے نیک تمناؤں کا اظہار کرتے ہوئے دعا کی کہ اللہ تعالیٰ انہیں ریٹائرمنٹ کے بعد ایک خوشگوار، صحت مند اور کامیاب زندگی عطا فرمائے۔

مورخہ 30 اکتوبر 2026 بروز جمعہ کو جوبلی ہال بورڈ ہذا میں سابق سیکرٹری خرم شہزاد قریشی کی مدتِ ملازمت مکمل ہونے پر ان کی چار سالہ خدمات کے اعتراف میں ایمپلائیز ویلفیئر ایسوسی ایشن کے زیر اہتمام ایک پروقار تقریب کا انعقاد کیا گیا، جس میں چیئرمین تعلیمی بورڈ ملتان پروفیسر ڈاکٹر اعجاز احمد تتلہ نے بطور مہمان خصوصی شرکت کی ۔تقریب سے ڈاکٹر اعجاز احمد تتلہ نے خطاب کرتے ہوئے کہا کہ خرم شہزاد قریشی کی خدمات کو سراہتے ہوئے کہا کہ کسی بھی افسر کی اصل پہچان اس کی پیشہ ورانہ کارکردگی، دیانت داری، رویے اور ادارے کے لیے خدمات سے ہوتی ہے۔ انہوں نے کہا کہ خرم شہزاد قریشی نے اپنی ذمہ داریاں انجام دیتے ہوئے ادارے کے لیے قابلِ قدر خدمات سرانجام دیں۔ ان کی مدتِ ملازمت کی تکمیل پر یہ تقریب ان کی خدمات کے اعتراف اور باہمی احترام کی خوبصورت روایت ہے اور مستقبل میں ان کے لیے نیک خواہشات کا اظہار کیا۔تقریب میں ڈی پی آئی کالجز ڈاکٹر فرید شریف ، نئے تعینات ہونے والے سیکرٹری تعلیمی بورڈ ملتان جناب محمدعظیم افضل اور کنٹرولر جناب گل شیر ملک نثار احمد جناب طاہر سلطان نے بھی خطاب کیا ۔ تقریب میں بورڈ کے افسران، ملازمین، ایمپلائیز یونین کے عہدیداران اور دیگر شرکا نے شرکت کرتے ہوئے سبکدوش ہونے والے سیکرٹری کو ان کی خدمات پر خراجِ تحسین پیش کیا۔ تقریب میں ایمپلائیز ویلفیئر ایسوسی ایشن
کی طرف سے عمرہ کی قرعہ اندازی میں خوش نصیبوں کا اعلان کیا گیا ۔
پبلک ریلیشن آفیسر ا تعلیمی بورڈ ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

مورخہ30 اکتوبر 2026ء بروز جمعہ صبح 9:30 بجے بورڈ آف انٹرمیڈیٹ اینڈ سیکنڈری ایجوکیشن ملتان کے کمیٹی روم میں چیئرمین بورڈ ڈاکٹر اعجاز احمد تتلہ نے نئے تعینات ہونے والے کنٹرولر امتحانات جناب گل شیر کے ہمراہ کنٹرولر سیکٹرکے افیسران کے ساتھ ایک تفصیلی بریفنگ اجلاس منعقد کیا۔اجلاس کے دوران کنٹرولر سائیڈ کے تمام افیسران نے اپنے اپنے شعبہ جات، تفویض کردہ ذمہ داریوں، جاری دفتری امور، امتحانی معاملات اور انتظامی سرگرمیوں کے حوالے سے تفصیلی اجلاس منعقعد کیا۔ افیسران نے اپنی اپنی ذمہ داریاں ، فرائض کی انجام دہی، درپیش مسائل اور شعبہ جات(برانچز) کی مجموعی کارکردگی سے بھی آگاہ کیا۔اس موقع پر چیئرمین بورڈ ڈاکٹر اعجاز احمد تتلہ نے تمام افسران کی بریفنگ کا بغور جائزہ لیا اور امتحانی نظام کو مزید مؤثر، شفاف، منظم اور جدید تقاضوں سے ہم آہنگ بنانے کے لیے ضروری ہدایات دیں۔ اجلاس میں نئے کنٹرولر امتحانات گل شیر نے بھی کنٹرولر سائیڈ کے تمام شعبہ جات کی کارکردگی اور امور کو بہتر انداز میں آگے بڑھانے کے عزم کا اظہار کیا۔ اجلاس کا مقصد شعبہ جاتی امور سے آگاہی، باہمی رابطے کو مضبوط بنانا اور امتحانی و انتظامی معاملات کو مزید بہتر اور مؤثر بنانا تھا۔
پبلک ریلیشن آفیسرتعلیمی بورڈ ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

مورخہ 2026۔10۔29 کو 11:00 بجے بورڈ آف انٹرمیڈیٹ اینڈ سیکنڈری ایجوکیشن ملتان کے کمیٹی روم میں ایک الوداعی تقریب چیئرمین بورڈ ہذاڈاکٹر اعجاز احمد تتلہ کے زیر صدارت منعقعد ہوئی۔ جس میں تعلیمی بورڈ ملتان کے سابق سیکرٹری جناب خرم شہزاد قریشی اور سابق کنٹرولر امتحانات ڈاکٹر عمران احمد کی شاندار خدمات کو خراجِ تحسین پیش کیا گیا ۔تقریب میں نئےتعینات ہونے والے سیکرٹری بورڈ آف انٹرمیڈیٹ اینڈ سیکنڈری ایجوکیشن ملتان محمد عظیم افضل اور کنٹرولر امتحانات بورڈ آف انٹرمیڈیٹ اینڈ سیکنڈری ایجوکیشن ملتان گل شیر ،برانچ آفسران ایمپلائز ویلفیئرایسوی ایشن کے عہدے داران نے شرکت کی۔ تقریب سے چیئرمین بورڈ ڈاکٹر اعجاز احمد تتلہ نے اپنے خطاب میں کہا کہ خرم شہزاد قریشی اور ڈاکٹر عمران احمد نے اپنی ذمہ داریاں احسن انداز میں سرانجام دیتے ہوئے بورڈ کے انتظامی اور امتحانی امور میں اہم کردار ادا کیا۔ انہوں نے دونوں افسران کی خدمات کو سراہتے ہوئے کہا کہ اداروں کی ترقی میں محنتی، مخلص اور ذمہ دار افسران کا کردار ہمیشہ یاد رکھا جاتا ہے۔ انہوں نے ان کے لیے نیک تمناؤں کا اظہار کیا اور امید ظاہر کی کہ وہ مستقبل میں بھی اپنی صلاحیتوں اور تجربے سے مثبت کردار ادا کرتے رہیں گے۔نئے تعینات ہونے والے سیکرٹری بورڈ محمد عظیم افضل نے اپنے خیالات کا اظہار کرتے ہوئے کہا کہ تعلیمی بورڈ جیسے اہم ادارے میں ذمہ داریوں کی ادائیگی باہمی تعاون، دیانت داری اور پیشہ ورانہ مہارت کی متقاضی ہے۔ انہوں نے سابق سیکرٹری خرم شہزاد قریشی اور سابق کنٹرولر امتحانات ڈاکٹر عمران احمد کی خدمات کو خراجِ تحسین پیش کیا ۔نئے تعینات ہوے والے کنٹرولر امتحانات گل شیر نے سابق کنٹرولر امتحانات ڈاکٹر عمران احمد اور سابق سیکرٹری خرم شہزاد قریشی کی خدمات کو سراہتے ہوئے ان کے لیے نیک خواہشات کا اظہار کیا اور کہا کہ ادارے کے مفاد میں باہمی تعاون اور پیشہ ورانہ ہم آہنگی کو فروغ دینا وقت کی اہم ضرورت ہے۔سابق سیکرٹری بورڈ خرم شہزاد قریشی نے اپنے خیالات کا اظہار کرتے ہوئے چیئرمین بورڈ ڈاکٹر اعجاز احمد تتلہ، افسران اور ملازمین کا شکریہ ادا کیا۔ انہوں نے کہا کہ بورڈ میں فرائض کی انجام دہی ان کے لیے ایک اہم پیشہ ورانہ تجربہ رہا ہے۔ انہوں نے اپنے دورِ تعیناتی کے دوران افسران اور ملازمین کے تعاون کو سراہا اور اس امید کا اظہار کیا کہ تعلیمی بورڈ ملتان مستقبل میں بھی ترقی اور کامیابیوں کا سفر جاری رکھے گا۔سابق کنٹرولر امتحانات ڈاکٹر عمران احمد نے تقریب کے انعقاد پر چیئرمین بورڈ اور تمام شرکاء کا شکریہ ادا کرتے ہوئے کہا کہ بورڈ میں خدمات انجام دینا ان کے لیے باعثِ اعزاز رہا ہے۔ انہوں نے کہا کہ امتحانی امور کی مؤثر انجام دہی ہمیشہ ٹیم ورک، ذمہ داری اور باہمی تعاون سے ممکن ہوتی ہے۔ انہوں نے بورڈ کے افسران و ملازمین کی معاونت کو سراہا اور ادارے کی مزید ترقی و کامیابی کے لیے نیک تمناؤں کا اظہار کیا۔
پبلک ریلیشن آفیسرتعلیمی بورڈ ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

ایڈیشنل سیکرٹری پنجاب کی زیرِ نگرانی تمام تعلیمی بورڈز میں E-BIZ Integration System کے نفاذ کے حوالے سے آن لائن اجلاس منعقد ہوا، جس میں پنجاب کے تمام بورڈز میں سسٹم کے مؤثر اور بروقت نفاذ پر تبادلۂ خیال کیا گیا۔

اجلاس میں چیئرمین بورڈ آف انٹرمیڈیٹ اینڈ سیکنڈری ایجوکیشن ملتان، ڈاکٹر اعجاز احمد تتلہ نے شرکت کی اور سسٹم کے نفاذ کے لیے تعاون اور اقدامات کی اہمیت پر زور دیا۔

مورخہ 23 اکتوبر 2026ء کو بورڈ آف انٹرمیڈیٹ اینڈ سیکنڈری ایجوکیشن ملتان کے چیئرمین ڈاکٹر اعجاز احمد تتلہ نےکمیٹی روم میں مورخہ 22 اکتوبر 2026ء کو شائع کیے گئےانٹرمیڈیٹ پارٹ فرسٹ (سالانہ) امتحان 2026ءکے نتائج پر میڈیا ٹاک کرتے ہوئے

مورخہ 23 اکتوبر 2026ء کوبورڈ آف انٹرمیڈیٹ اینڈ سیکنڈری ایجوکیشن ملتان کے کمیٹی روم میں فنانس کمیٹی کا اجلاس زیرِ صدارت چیئرمین بورڈ ڈاکٹر اعجاز احمد تتلہ منعقد ہوا۔ اجلاس میں سیکشن آفیسرفنانس جناب محمدنویدنے آن لائن شرکت کی ۔ چیئرمین بورڈ ڈاکٹر اعجاز احمد تتلہ کے علاوہ سیکرٹری بورڈ خرم شہزاد قریشی، ڈپٹی سیکرٹری فنانس ڈاکٹر حافظ فدا حسین اور دیگر اراکین نے شرکت کی۔ اجلاس میں بورڈ کے مالی و انتظامی امور، بجٹ، اخراجات اور دیگر متعلقہ معاملات کا تفصیلی جائزہ لیا گیا اور مختلف امور پر باہمی مشاورت سے غور و خوض کیا گیا۔
پبلک ریلیشن آفیسرتعلیمی بورڈ ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

مورخہ 23 اکتوبر 2026ء کو پنجاب بورڈز کمیٹی آف چیئرپرسنز (PBCC) کا اجلاس زیر صدارت سیکرٹری ہائر ایجوکیشن ڈیپارٹمنٹ گورنمنٹ آف پنجاب جناب غلام فریدمنعقدہوا ۔ اجلاس میں مزمل محمود چیئرمین وزیراعلیٰ پنجاب ٹاسک فورس برائے امتحانی اصلاحات اور پنجاب تعلیمی بورڈز کے تما م چیئرپرسنزنے آن لائن شرکت کی۔ اجلاس کا بنیادی مقصد تعلیمی نظام بالخصوص امتحانات میں مؤثر اصلاحات امتحانی نظام کی شفافیت، طلبا ءوطالبات کو بہتر سہولیات کی فراہمی،آئی ٹی نظام کی مضبوطی اور ادارہ جاتی کارکردگی میں مزید بہتری پنجاب کے تعلیمی ڈھانچے کو جدید خطوط پر استوار کرنے اور امتحانی عمل میں شفافیت لانے کے حوالے سے اہم امور پر ایجنڈا زیر بحث لایا گیا ۔
پبلک ریلیشن آفیسر تعلیمی بورڈ ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

Exploration of In-House Development of Software for On-Screen Marking

The technical teams of BISE Multan, BISE Faisalabad, and BISE Gujranwala, accompanied by their respective Chairpersons, visited BISE Lahore today to explore the in-house development of software for the On-Screen Marking (OSM) System.

During the visit, the technical team of BISE Lahore delivered a detailed briefing on its in-house developed OSM software, highlighting its existing features, ongoing development, and areas requiring further improvement. A comprehensive technical discussion was held on the software's functionality, development process, future enhancements, and implementation strategy. The participating teams gained valuable insights that will help other boards explore the development of their own in-house OSM software.

The meeting also focused on identifying the hardware infrastructure, technical manpower, and human resource requirements necessary for the successful implementation of the OSM System at the respective boards. The discussions will assist the participating boards in defining their requirements, preparing proposals, and obtaining the necessary approvals for software development and system implementation.

Furthermore, the importance of conducting training sessions for examiners and awareness sessions for students was emphasized to ensure the smooth adoption of the OSM System. These initiatives will help prepare examiners for the Second Annual Examination 2026 as well as the First Annual Examination 2027, while familiarizing students with the new examination and marking procedures.

The meeting proved highly productive, providing greater clarity to the participating technical teams and promoting inter-board collaboration and knowledge sharing. The Chairpersons of BISE Multan, BISE Faisalabad, and BISE Gujranwala expressed their sincere gratitude to the Chairperson of BISE Lahore for arranging the meeting and facilitating this constructive exchange of technical knowledge and experience. The discussions are expected to prove highly beneficial in planning and implementing the On-Screen Marking System across the participating boards.

Chairpersons of Educational Boards Observe On-Screen Marking Mock Exercise at BISE Faisalabad

A mock exercise of the On-Screen Marking (OSM) System was conducted at the Board of Intermediate and Secondary Education (BISE), Faisalabad, in which Chairpersons of various educational boards were invited to observe the process. Dr. Ijaz Ahmad Tatlah, Chairman, Board of Intermediate and Secondary Education, Multan, also participated in the exercise and observed the proceedings in detail. Barrister Usama Fazal, Member of Parliament for Education, the Chairman Task Force Muzammal Mahmood, and other relevant officials were also present on the occasion.

The primary objective of the visit was to conduct a comparative assessment of the mock exercises carried out at BISE Multan and BISE Faisalabad, with particular focus on their operational procedures, technical arrangements, and implementation strategies. The exercise provided an opportunity to exchange experiences, identify best practices, and explore further improvements that could be incorporated into the On-Screen Marking System at BISE Multan.

The observations and insights gained during the visit will help enhance the efficiency, transparency, accuracy, and reliability of the system ahead of the forthcoming Annual Examinations. The initiative reflects the commitment of the educational boards to inter-board collaboration, continuous technological improvement, and the adoption of effective practices to ensure the successful implementation of the On-Screen Marking System.

محترم طالب علم!

السلام علیکم!

وزیراعظم یوتھ کروم بُک اسکیم کے تحت آپ کو جماعت نہم کے سالانہ امتحانات 2026ء کے نتائج کی بنیاد پر کروم بُک کی فراہمی کے لیے زیرِ غور لایا جا رہا ہے۔

لہٰذا، براہِ کرم درج ذیل لنک کے ذریعے اپنی رجسٹریشن 19 اکتوبر 2026ء تک لازماً مکمل کریں۔

رجسٹریشن لنک:
https://pmychromebooks.ibcc.edu.pk/

For list of candidates please open following link.

https://web.bisemultan.edu.pk/prime-ministers-youth-chromebook-scheme/

مورخہ 16 اکتوبر بروز جمعہ 2026ء کو بورڈ آف انٹرمیڈیٹ اینڈ سیکنڈری ایجوکیشن ملتان کے کمیٹی روم میں ایک اہم ایڈوائزری میٹنگ منعقد ہوئی۔ میٹنگ میں شمولیت کنوینیروزیراعلیٰ ٹاسک فورس انسپکشن ٹیم لاہور کے جناب میاں نعیم اوران کے ساتھ 4 رکنی ٹیم بھی موجود تھی۔ اس میٹنگ میں ملتان بورڈ کے افسران اور تمام شعبہ جات کے سپرنٹنڈنٹس نے شرکت کی۔ایڈوائزری میٹنگ کا بنیادی مقصد دفتر کی مجموعی کارکردگی، عوامی خدمات کی فراہمی اور انتظامی امور کو مزید شفاف اور فعال بنانا تھا۔ اس موقع پر سیکرٹری بورڈ آف انٹرمیڈیٹ اینڈ سیکنڈری ایجوکیشن ملتان، خرم شہزاد قریشی بھی موجود تھے۔میٹنگ سے خطاب کرتے ہوئے وزیراعلیٰ ٹاسک فورس کے سربراہ جناب میاں نعیم نے دفتر کی ورکنگ کو بہتر بنانے پر زور دیا اور کہا کہ فائلوں کے زیرِ التوا (Pending) کاموں کو بلا تاخیر نمٹایا جائے اور عوام و طلبہ کو بحیثیتِ سائلین بہترین سہولیات فراہم کی جائیں۔ دفتری امور میں وقت کی پابندی، ایس او پیز (SOPs) پر عملدرآمد اور شفافیت پر کسی قسم کا سمجھوتہ نہیں کیا جائے گا۔اس موقع پر سیکرٹری بورڈ ملتان خرم شہزاد قریشی نے اپنے خطاب میں کہا کہ ہم وزیراعلیٰ ٹاسک فورس انسپکشن ٹیم کی آمد اور قیمتی رہنمائی کو خوش آئند قرار دیتے ہیں۔ بورڈ انتظامیہ انسپکشن ٹیم کی جانب سے دی گئی تمام ہدایات پر روح کے مطابق عملدرآمد یقینی بنائے گی تاکہ ملتان بورڈ کو کارکردگی اور شفافیت کے لحاظ سے ایک ماڈل ادارہ بنایا جا سکے۔ تمام شعبہ جات کو ہدایت کی جاتی ہے کہ وہ اپنی کارکردگی کو مزید تیز اور شفاف بنائیں۔میٹنگ کا اختتام تعلیمی نظام اور دفتری امور میں مزید بہتری لانے کے عزم کے ساتھ ہوا۔
پبلک ریلیشن آفیسرتعلیمی بورڈ، ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

مورخہ 15اکتوبر بروز جمعرات 2026ء کو چیئرمین آفس بورڈ ہذا میں ڈاکٹر اعجاز احمد تتلہ چیئرمین بورڈ آف انٹرمیڈیٹ اینڈ سیکنڈری ایجوکیشن ملتان سے جناب محمد علی صدیقی ایڈووکیٹ سپریم کورٹ آٖف پاکستان /لیگل ایڈوائزر بورڈ آف انٹرمیڈیٹ اینڈ سیکنڈری ایجوکیشن ملتان نے ملاقات کی۔ملاقات میں فیڈرل بورڈ آف ریوینیو (FBR)، پنجاب ریوینیو اتھارٹی (PRA) اور ملتان بورڈ کے مالیاتی امور اور ٹیکس ریٹرن سے متعلق قانونی تقاضوں کو مکمل کرنے پر تفصیلی تبادلہ خیال کیا گیا۔ اس ملاقات کا بنیادی محور ایف بی آر کے امور اور انکم ٹیکس ریٹرن فائل کرنے کے طریقہ کار کو مزید شفاف بنانا تھا۔بورڈ کے مالی معاملات کو ٹیکس قوانین کے مطابق رکھنے اور دفتری کارروائی کو مزید مؤثر بنانے کے لیے قانونی معاونت کے امور پر اتفاق کیا گیا۔ اس موقع پر سیکرٹری بورڈ ہذا جناب خرم شہزاد قریشی اورڈپٹی سیکرٹری فنانس ڈاکٹر حافظ فدا حسین بھی موجود تھے۔

پبلک ریلیشن آفیسرتعلیمی بورڈ، ملتان
#BISEMultan #HigherEducationDepartment #DPICollegesSouthpunjab #RanaSikandarHayat #CMPunjab #MaryamNawaz #DirectorCollegesMultan #PublicRelationsOfficer #InformationOfficerMultanDivision #QualityEducation #EducationalDevelopment #PrivateSchools #APPSMA #PunjabEducation

🌸 الحسنین گرلز کالج، میاں چنوں — خواتین کی معیاری تعلیم اور بہترین تربیت کا ایک مثالی ادارہ

الحمدللہ! بورڈ آف انٹرمیڈیٹ اینڈ سیکنڈری ایجوکیشن ملتان کے زیرِ اہتمام الحاق شدہ تعلیمی اداروں کے معائنے کے سلسلے میں مختلف دیہات اور قصبوں میں قائم اداروں کا دورہ کیا۔ ان دوروں کے دوران الحسنین گرلز کالج، میاں چنوں کو دیکھ کر بے حد خوشی اور متاثر کن تجربہ حاصل ہوا۔

معروف عالمِ دین حضرت مولانا طارق جمیل صاحب سے منسوب اس ادارے میں فرسٹ ایئر اور سیکنڈ ایئر کی تقریباً 170 طالبات زیرِ تعلیم ہیں۔ ادارے کی جدید اور شاندار عمارت، جدید تقاضوں سے ہم آہنگ لیبارٹریز، معیاری لائبریری، بہترین کلاس رومز، کمپیوٹر لیب، عمدہ فرنیچر اور صاف ستھرا، حفظانِ صحت کے اصولوں کے مطابق قائم کردہ کیفے ٹیریا اس کے اعلیٰ تعلیمی معیار اور بہترین انتظامی نظم و نسق کی عکاسی کرتے ہیں۔

خصوصی طور پر قابلِ تحسین بات یہ ہے کہ ادارے میں طالبات کے لیے ایک محفوظ، باوقار اور گھریلو ماحول فراہم کیا گیا ہے۔ خواتین کے اس تعلیمی ادارے میں مردوں کے داخلے پر پابندی ہے، تاہم معائنے کے سرکاری فرائض کی انجام دہی کے لیے ہمیں داخلے کی اجازت دی گئی۔

یہ ادارہ اس بات کی روشن مثال ہے کہ دینی اقدار، جدید تعلیم، بہترین سہولیات اور طالبات کی محفوظ تعلیمی فضا کو کس خوبصورتی سے یکجا کیا جا سکتا ہے۔ حضرت مولانا طارق جمیل صاحب کی تعلیمات اور پیغام کی روح کے مطابق خواتین کی تعلیم و تربیت کے لیے ایسی سہولیات کی فراہمی یقیناً قابلِ تحسین ہے۔

مختلف علاقوں میں متعدد الحاق شدہ اداروں کے معائنے کے دوران یہ کالج ایک انتہائی مثالی، منظم اور معیاری تعلیمی ادارہ محسوس ہوا۔ ایسے ادارے نہ صرف علاقے کی بچیوں کو معیاری تعلیم کے مواقع فراہم کرتے ہیں بلکہ ان کے روشن مستقبل کی تعمیر میں بھی اہم کردار ادا کرتے ہیں۔

اللہ تعالیٰ اس ادارے کو مزید ترقی عطا فرمائے اور ہماری بچیوں کے لیے علم، کردار اور کامیابی کا ذریعہ بنائے۔ آمین!